الخرطوم: النورس نيوز
هاجمت الفنانة هدى عربي الملقبة بسلطانة الطرب السوداني زميلتها في الوسط وردت على حديثها عنها عبر منشور لها على حسابها الشخصي بالفيسبوك حيث كتبت عليها معلقة : لمن يجيك الرد من الزول الغلط
يا جماعة تاني نكتب زي طريقة الجرائد بالحروف الأولى ( م . ق )
والغريبة المقصودة زولة عاملة فيها صحبتي أنا والله زعلانة على الناس الطاشين الرد الضحكني كنت متوقعاهو من الزولة القاصداها بس كالعادة ما بتقدر أسي بتنتظرني كم شهر تفتكر إني نسيت وتدخل علي بالواتساب تهظر وتضحك زي الوقت ده دي طبعاً عادتها المعتادة تضرب وتلبد زي ال ما عاملة شي زولة منافقة بتاعة كركبة بس غايتو من سوء حظك راح عليك التريند لأنه زي ما قلت إني ما وضحت بي طريقة الجرائد راح عليك التريند والله؛
لأنك أصلاً كج، يا جماعة ده آخر بوست نتلاقى فيه لايف دقداق أو حفلة ما بيناتنا
وبرضو ح #نحب_بعض بإستثناء الخسيسين “.