الخرطوم: النورس نيوز
قال رئيس مجلس السيادة، قائد قوات الدعم السريع الفريق أول محمد حمدان دقلو “حميدتي”، السودان ليس مسجلا بشهادة بحث في إسم زول، الكل له حقوق في هذه البلد، مطالبا بعدم تحميلهم المسؤولية لوحدهم وإنما جميعنا شركاء في المسؤولية.
متسائلاً عن الشباب العملو التغيير أين هم، مطالبا الشباب أن يعرفوا قضيتهم، مضيفاً أن آخرين جاءوا وتسيدوا على الناس، لافتاً إلى أنهم خلال الفترة السابقة الكيمان بالنسبة لنا اتفرزت من السيء العايز يدمر البلد دي من العايز يودي البلد دي لقدام”.
مضيفا لابد ان نتفق ونضع ايدينا فوق بعض البلد دي ما فيها مشكلة موارد وانما عندنا مشكلة بشر حاقد لروحو، عندنا مشكلة سياسات بتدمر في البلد، مطالبا الشعب أن يقول كلمته”.
وقال حميدتي ” من بداية التغيير ظهروا ناس معينة و تسيدوا على الناس وبقت اي حاجة حقتهم هم”.
وأضاف ” نحنا برضو فشلنا كتير جدا والبلد دي بالطريقة دي ما بتمشي، لازم الناس تتفق على رؤية تجمع كل الناس، والاقصاء ما بودي بلد لقدام، واستبدال التمكين بالتمكين، الجماعة ديك كانوا بمكنوا ديل جاءوا اشد منهم في التمكين”.
وزاد :” مشكلتنا الجابت لينا البلاوي وشيطنوننا لاننا قلنا كلمة الحق،”.
وتابع: ” مافي زول مفوض الشعب السوداني الـ40 مليون لم يفوضوا اي زول لافوضوا حميدتي ولابرهان ولا حرية وتغيير الناس دي كلها متسلطة”
مطالباً الشعب السوداني أن يقول رأيه واضحاً ولازم يتكلم قائلاً ” لازم تفتح خشمك تتكلم، ما ممكن تكون قاعد كده مبقدس والحكاية تمشي زي دا”.