الخرطوم:النورس نيوز
انتقدت المنتجة عرفة التوم التي تم فصلها مؤخرا من العمل بقناة النيل الأزرق ، سياسة القناة في اختيار المذيعين، قائلة :”في عهد الانقاذ البائد ما كان بتم تعيين مذيعيين او مقدمي برامج من ابناء الهوسا – جبال النوبة – دارفور وتم تكريس لثقافة المذيع فاتح البشرة ودي من اهم مواصفات المذيع واحيانا حتى الضيوف !!! دا كان مزاج امين حسن عمر و الطيب مصطفى ومن شاكلهم في ادارة التلفزيون القومي وقناة النيل الازرق ! طيب داك عهد وحقبة انتهت الى غير رجعة باذن الله”.
واضافت عرفة في بوست على الفيسبوك”لا يعقل بعد انتصار ثورة ديسمبر المجيدة باهدافها واهازيجها العظيمة لسه عشان تبقي مقدم برامج ذكر او انثي في شاشة الحكومة بتمتلك فيها اكتر من 60% من اسمهمها لازم تكون فاتح البشرة وما مهم بعد داك البلادة والغباء !! آن الاوان لثورة الاعلام و تجويد المحتوي والمضمون البرامجي وكنس المزاج الكيزاني بتعيين مذيعيين موهبيين من كل السودان من غير تمييز على اساس اللون والمنطقة ويتساوى في الفرص الجميع بلا استثناء بمختلف الالوان والسحنات السودانية وانزال اهداف الثورة في الشاشات، لمتين حكومتنا دي تتفهم الاعلام اولوية وليس ترف ! وهو احد اهم ازرع السلام ونجاح واكمال الفترة الانتقالية.”