في تصريحات غاضبة.. حميدتي يتوعد تجار العملة ويقول : زيادة المرتبات في ظل ارتفاع الدولار ما عندها قيمة

الخرطوم : النورس نيوز

نفى النائب الأول لرئيس مجلس السيادة الفريق أول محمد حمدان دقلو حميدتي؛ وجود تراخي في عمل اللجنة الاقتصادية العليا التي يرأسها؛ وقال “ما جينا بتراخي وجينا نخدم الشعب المسكين البموت في المستشفيات؛ ولا دايرين جزاء ولا شكور من أحد؛ ولا دايرين نتلمع؛ والديمقراطية الناس يتكلموا عنها دي نجيبها ليكم” ‘واضاف”لابسين الكاكي دا نفتشها نجيبها ليكم ضر كده بس حتى نصل لانتخابات حرة ونزيه ولن نسمح بالتزوير فيها”وقال حميدتي عقب اجتماع طارئ للجنة” نبشر الشعب؛ والله شغالين لاجلكم”وأقر بوجود ندرة في الذرة الشامية؛ وأعلن عن قرار باعفاء الذرة الشامية من الضرائب والجمارك والرسوم وأضاف “اي زول عنده قدره يستورد من الآن يستورد بالضوابط”وأكد اجازة قوانين جرائم المعلوماتية؛ وهدد بتطبيق القانون واضاف”بعد دا كلامك العايز تقولو اوزنو” وقال حميدتي أن مهمة اللجنة خفض سعر الدولار أمام الجنيه؛ وأكد أن زيادة المرتبات جيدة؛ لكنه أشار إلى أنه في ظل ارتفاع الدولار تصبح المرتبات ما عندها قيمة؛ وأضاف”هذه المرتبات كان الدولار ماشي ما عندها اي قيمة عشان كده حقو نتساعد وننزل الدولار ويكون عدونا الأول هو واي زول عارف ليه زول داسي دولار يبلغ عنه” واضاف”بعد دا نتصارع مع الدولار اما رمانا أو رميناه” واقسم بأنه لن يترك اي زول يتاجر في الدولار مهما كان موقعه أو زول نافذ.