*عادي
*القادم احلي يامريخ
*جزيرة الكنز
*اربعة عشر رجلا يبحثون عن كنز
*حتي سيلفر ظل يعتب بعد غرق التايتنك
*خمسة برازيليين غالبهم يغلبوا تشرين
*احرجونا مع الراعي الفخري
*ولا احرجتنا كراع الراعي الفخري؟؟؟؟
*لعبنا بطريقة عشوائية تشبه حرب(المليشيات)
*هو نحنا فايتنها وين
*كلو شي عندنا عشوائي
*ولكنا اعتدنا الاحتفاء بالعشوائية
*العشوائية ذاتها لها كسارين تلج
*طالما تحقق العشوائية لهم مصالح
*خلاس
*شكارتها تبقي دلاكتها
*ودلاكتها لو ما كسرت التلج
*يدها مابتختها فيها
*لكن بصراحة
*مع تشرين الاول كنا افضل
*وكان تشرين التاني هو الافضل
*ادي بتكتيك احترافي
*وقابلنا ذلك بعشوائية (المليشيات)
*وشبكناهم ليك(تدوين)من بعيد
*وعياراتنا لا صابت ولا دوشتهم
*بعضنا يقول لو المدرب بدأ بفلان
*واشرك علان
*لتأهلنا
*وانا اري اننا لو اشركنا كل مريخاب السودان والمهجر لما تأهلنا
*لانو حتي الجماهير اضحت تنقسم(مليشيات)
*كل واحده منها(تحفر ) للتانية ولا تقبل بوجودها علي كوكب المريخ الوطن الواحد
*المعلق قرب يقول
*بالله ده المريخ الوصل المربع الذهبي في هذه البطولة قبل كم سنة
*وكان ذلك تحت قيادة واعية وفنانه
*قيادة الزولفاني (المحظوظ)
*طبعا لما قلت تحت قيادة واعية
*ناس كتااار مشوا لي زولا آخر
*الم اقل لكم اننا تقسمنا لمليشيات تحارب بعضها وتهدر مصالح الوطن الكبير؟؟؟؟
*المهم
*ماحدث هو الطبيعي
*عمرة وفطور برة
*مع الصيام مشكلة
*ريفائيل ده رمضان دخل العضم
*ماحدث طبيعي
*العمل بدون استراتيجية معينة
*يتوقف علي الحظ
*والحظ ذاتو يتوقف مرات كتيرة علي الرضا
*والرضا ذاتو يتوقف علي مواقف
*والمواقف يفترض تضيف لينا
*ماتخصم مننا
*طرنا
*ده الواقع
*لكن هدف سوريا فاول مع كرشوم
*وكرشوم كان كعب
*كان كعبو عالي
*بقي كعب ساي
*يحتاج لمراجعة نفسو
*القصة ماريكاردو
*ولا العمرة
*ولا اللاعبين
*ولا المجلس (المنتخب)
*ولا الجماهير
*القصة منظومة كاملة
*تحتاج لخطوات تنظيم
*قبل نعمل معتداااال مارش
*لانو المشي المجهجه بركبنا التونسية والسورية والتشادية ذاتها
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اي زول بقي يدينا
*بي برازيليينا
*واعظم انجازاتنا ماجابها المال يا والينا
*مع المال كان في مواقف رجال يا والينا
*ماتبيع وكان بعت ماتبيع رخيس قالوا لينا
سلك كهربا
ننساك كيف والكلب قال ود الفار(حفتاااااار)
والي لقاء
سلك