بابكر سلك يكتب: شفوت جدة ومونس السودان ..

*كنا نتخوف من غياب الجماهير بجدة
*لانو بصراحة غياب الجماهير من الممتاز
*دفعنا لفقدان الثقة في الحضور الجماهيري المساند للمريخ
*ولكن شفوت جدة ابهرونا وقطعوا لساننا
*حضور انيق
*تشجيع منظم
*ولافته انيقة لرابطة جدة تشكر فيها ولي عهد المملكة والمملكة ذاتها علي الاستضافة
*اللافتة كانت تعبر عن مستوي الوعي الجماهيري
*وكانت تشرف مجتمع المريخ الراقي
*ولم تكتمل لوحة شفوت جدة
*الا باطلالة شفوت السودان
*مونس كعهدها كانت حضورا مشرقا ومشرفا وانيقا وعنيفا
*اكتملت اللوحة الجماهيرية كضربة بداية لعودة قبائل الشفوت للمدرجات من جديد
*شكرا شفوت جدة
*ونرفع لكم القبعات يامونس
*ومن كترت مارفعنا القبعات لمونس
*بقينا ماشين ساي بدون قبعات
*لاننا لو وضعنا قبعاتنا علي رؤوسنا لحظة
*نضطر لرفعها من جديد لمونس الشفوت
*المهم
*خطوة نحو التأهل مشيناها
*وان كنا لم نستمتع بالمباراة
*بسبب العادة القبيحة التي اعتدناها مؤخرا
*وهي النقد والاساءة لناسنا
*نحضر مبارياتنا بتوتر
*يظهر جليا في تجمعاتنا وفي قروباتنا
*ثم نستصغر النصر اذا تحقق
*ونعظم الهزيمة اذا وقعت
*وده مع احترامي لينا ماشغلنا
*وعلي الفيفا ان تكرم ريكاردو
*لانه المدير الفني لفريق يتكون جهازه الفني من تلتين مليون مدرب
*نحنا كمريخاب كلنا مدربين
*وكلنا اداريين
*لابنخلي المدير الفني يشتغل
*ولابنخلي الاداري يدير
*ونحنا مهما كنا في الآخر مجرد جمهور
*فنيا لانفقه في الشأن الفني اكتر من المدرب
*واداريا التاريخ ماسجل لواحد فينا ابداع اداري
*ننظر في فارغة
*وطبيعي يحصل ده لأننا سودانيون
*فالسودانيين كلهم سياسيين وكلهم حكماء وكلنا اطباء ومهندسين وقانونيين وخبراء اقتصاد واقل واحد فينا عالم جيلوجيا وبروف جغرافيا ومؤرخ معاصر لكل الحقب
*وقريب تهراقا وجدو النبي
*وصلوا علي الحبيب
*واحد زول سااااي
*المدرسة لونها شنو مابعرفوا
*يجي يقول ليك مشينا لدكتور بليد
*تخيل
*طبيب اختصاصي ينعته امي بانه بليد
*وقس علي ذلك في الكورة والاقتصاد والسياسة
*عشان كدة
*خلونا من(الشوبار) في امور لسنا بخبراء فيها
*ولنترك تقييم اللاعب والمدرب للجهات المختصة المؤهلة لذلك
*علي ان يتم ذلك في الوقت المحدد
*وانا علي يقين انو مافي زول في البنظروا ديل عارف ريكاردو اخرج الجزولي ليه
*هل مصاب
*هل داير يريحو لمباراة الثلاثاء
*هل لتغيير طريقة اللعب
*هل للاستفادة من نمر في الالتحام مع الزول القدر الكتلة الدخلوهوا السوريين
*وهل وهل وهل
*لوكوا الصبر
*ونقطوا الجهاز الفني بسكاتكم
*ولكل تقييم اوان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الحال في السودان واقف ديدبان
*والديدبان لايحتاج لبرهان
سلك كهربا
ننساك كيف والكلب قال قلنا ليكم بلعبوا علي الزمن عملتوها لينا مفاوضات
والي لقاء
سلك