بابكر سلك يكتب : مراح المرافعين
*في رمضان البل شديد
*الحلو مر ببلوهوا
*الكركدي
*العرديب
*التمر(بل بسيط)
*والرقاق بنبلوا في اللبن
*نجيب اللبن نتبل نحنا
*اللبن بقي بالشي الفلاني
*ويستمر البل
*المريخ يتبل
*والهلال يغرق تحت الماء بلا
*نشجع المريخ يزعلنا
*مانشجع الهلال يفرحنا
*يحبوا الهلال يزعلهم
*يكرهوا المريخ يفرحهم
*نحنا والاهلة كذلك
*لاننا نفني مجهوداتنا في تحطيم بعضنا
*زي الاتنين الماشين في الخلا براهم
*قابلهم شيطان الجرة في الخلا
*طلع من الجرة وقال ليهم
*شبيكم لبيكم دايرين اي شي بعملوا ليكم
*الاول قال داير مراح خراف يملي الخلا ده
*فوووووو
*قامت كترابة ووقف مراح الخراف حد البصر
*الشيطان قال للتاني وانت داير شنو؟
*التاني قال ليهو بدور لي مراح مرافعين
*الشيطان استغرب
*مراح مرافعين داير بيهو شنو؟؟؟
*قال ليهو بدورن ياكلن خرفان صاحبي ده
*ده منطق تناولنا للامنيات
*مريخاب وهلالاب
*عشان كدة سنويا امنياتنا نختصرها في مرافعين ياكلن خرفان اخوي ده
*المهم
*هلالابي قال لمريخابي ماعندك وطنية
*تشجع الاهلي ياخ!
*المريخابي قال ليهو الاهلي السنة الفاتت استضافني في بلدو ولعبني في استاد السلام
*انت كانت وين وطنيتك لما ابيت لي باستاد عدمان الحمام؟؟؟؟
*طالما تقوم انتماءاتنا علي هذا الحسد لن نتقدم
*لانو هذا الحسد اسمو التعصب السالب
*والتعصب السالب هو الذي يجعل كل الهم في تحطيم الآخر لا في تطوير الذات
*وقلناها الف مرة
*مرحبا بالتعصب الايجابي الذي يسوقنا لتقديم كل مجهوداتنا ومقدراتنا نحو تطوير وتقدم كياننا الذي ننتمي له
*ايها الناس
*الكورة في البلد دي مابتقوم ليها قائمة بالطريقة التي تدار بها
*عادي ممكن اسجل عشرين اجنبي واشيل كاس افريقيا
*السنة البعدها اطير من التمهيدي
*لانك لما تهدف لنيل بطولة
*تكون خططك قصيرة المدي
*اما اذا كنت داير تبني تيم بطولات
*بتطول وتاخد مدة
*لكن يومك الطلعت منصة التتويج
*تاني مابتبارح النهائيات نهائي
*وحلك لما يصل الفهم الاداري لهذه المرحلة
*لذا سنظل نتمني مراح المرافعين الي ان تتغير المفاهيم
*وندور مع محترفي علوق الشدة
*ونظل في شدة لاتزول
*المهم
*اخير نحنا
*ما اتطنقعنا
*اخواننا ديك قالوا ياكلوهوا حي
*وبقولوا السنة دي الاميرة السمراء من نصيبهم
*تلاتة وتسعين سنة بقولوا في الكلام ده
*والآن المحاولة رقم اربعة وتسعين
*امبوبو لوبوبو
*واجانب اكتر من الوطنيين
*ونتائج اخير حقت الوطنيين
*ياخ شوفوا خطي صن داونز
*سيمبا
*ناس ماشين بعلمية
*بصنعوا في اتيام بطولات
*وعملوها
*سيمبا قرب شديد
*حتي خارج الملعب
*لاندري كيف ندير امورنا
*لانو من يدير يكتفي بلقب يامدير
*وهو ماناقش حاجة
*وكومي وكومك دي الخلت البلد في الحضيض
*ناهيك عن نادي
*اعلاميا
*الهلال ساعد الاهلي جدا في الحشد الجماهيري الشرس
*وفنيا ريكاردو قدم النصر علي طبق من ذهب للزمالك
*واداريا ابعدنا العقرب ودخلنا بدون أسلحة ناجعة للملعب
*وكلو محصل بعضو
*ايها الناس
*ابلعوا المسكن المعهود
*القادم احلي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*المصريين لي هسي يسيؤا لينا
*ونحنا في بلدنا بنطير بلنتينا
سلك كهربا
ننساك كيف والكلب قال لو الحكم ماعمل قصة بلنت سانت جورج ديك كان ربنا كفاكم شر الشتيمة والهزيمة اللئيمة
والي لقاء
سلك
