عمرو أديب ومحمد رمضان.. الصدام يشتعل مجددا بعد أزمة الإسكندرية

النورس نيوز _ وكالات عربيه

لم يترك الإعلامي المصري عمرو أديب أزمة الفنان محمد رمضان، وجمهور محافظة الإسكندرية تمر مرور الكرام.

وعلق أديب على التحدي الذي قام به محمد رمضان وسفره إلى الإسكندرية بعد حملة إلغاء حفله هناك التي روجت لها صفحات عبر مواقع التواصل الاجتماعي.

وانتقد في برنامجه “الحكاية” الذي يبث عبر شاشة “إم بي سي مصر” تصرفات محمد رمضان موضحا أنه كان من الممكن أن يسبب أزمة كبيرة وقال: “الأستاذ محمد رمضان قرر فجأة أنه إزاي أهل إسكندرية مش عاوزينه ييجي، فقرر أنه يعمل التحدي الكبير وينزل إسكندرية بنفسه يعدي على حارة حارة ويعرف أنتوا بتحبوني ولا لأ، شيء غريب”.

وتابع عمرو أديب حديثه: “بعض الناس قالوا إحنا مش عاوزين وأنت قولت لأ عاوزين، عاوزكم تتخيلوا حاجة لما الفنان محمد رمضان نزل بموتوسكلاته، تخيل لو كان حصلت خناقة ودا كان وارد بين الناس اللي بتحب محمد رمضان والناس اللي مش بتحبه، جم قالوا أنه كان في قهوة (والي) والقهوة دي كلنا عارفينها طردوه، وفي ناس قالوا مطردش، سواء دا حصل أو محصلش هو ينفع الكلام دا، هو ينفع حد يقوله أنت متجيش والتاني يقول أنا جاي، لو كانوا ضربوا بعض ولا محمد رمضان نفسه اتعور إيه الفكرة دي هو الفن كده، هو الفن غصب”.

واستكمل أديب حديثه عن الأزمة قائلا: “أنت تروح تعمل حفلتك واللي عايز يشوف محمد رمضان يشوفه واللي مش عايز ميشوفش، إنما أنزل وأعمل تحدي في الشوارع واللي بيحبني يطلع لي، لو كان طلع الناس اللي مش بتحبك زي ما اتقال أن دول اللي كانوا في القهوة، عمر ما نزلت أم كلثوم ولا محمود ياسين ولا أحمد زكي، هي التذكرة الناس تحضر الحفلة أهلا وسهلا، وحفلاتك الناس تحضرها أرجو أن هذا الأمر يقف لحد هنا ولا يتطور إلى يوم 7 أكتوبر ولا نرى مؤيدي محمد رمضان ورافضي محمد رمضان وجها لوجه في شوارع الإسكندرية أنتوا في إيه ولا في إيه.. هل دا يرضي حد هي دي طريقة”.

أسباب الخلاف بين محمد رمضان وعمرو أديب
بدأت الأزمة بين أديب ومحمد رمضان في أبريل/ نيسان 2021 عندما هاجم الإعلامي المصري عمرو أديب عبر برنامجه “الحكاية” الفنان محمد رمضان، بعد نشره مقطع فيديو أثناء إلقاء الدولارات في المياه، عقب صدور حكم قضائي يلزمه بسداد 6 ملايين جنيه لصالح طيار مصري.

ووجه عمرو أديب انتقادات شديدة لـ”الأسطورة” قائلا: “يا محمد اللي نحسبه موسى يطلع فرعون، الأستاذ (نمبر وان)، أثار حفيظة عدد كبير من الناس اللي بتحبه، الراجل ده بصراحة بقى عدو نفسه، مش قادر أفهم، دماغه بقى فيها إيه وبيفكر إزاي.. يا (نمبر وان) إنت مش ملاحظ إن بقالك سنة بتعمل مصايب”.

ولم يتحمل محمد رمضان هجوم عمرو أديب، وقرر الدخول في مواجهة جديدة، وقام بنشر مقطع فيديو من مسلسل “الأسطورة” إنتاج عام 2016، وهو يدفع أحد الأشخاص بعيدا عنه، ووضع صوت عمرو أديب في الخلفية، ورد عليه بجملة “بس يا بابا” ومن هنا اشتعل الخلاف الذي امتد لساحات القضاء.